Kan Ipumh Ning

Kan ipumh ning hi kan thlen pah lengmang i atulio cu hiti hin kan ipuum. Caanhmanning catlap i aa ṭial ning rak izoh i mahle caan ah rak thawh cio a si. Ahmasa in zumtu pakhatkhat nih Baibal rel le thlacam an tuah.

Mah dih cun hlahruai phu (minung pa nga hrawng) nih hla an kan hruai i mipuum kan dihlak nih dir in sak a si. Praise & Worship hla kan ti. Fung thum hrawng lengmang kan sa tawn. Bupi solo sak kan ti hnga maw, nai hrawng hla chuak thar, hlaphel i kan ngaih tawn mi hla hi kan sa ko hna. Mah kan sak chung hi cu biakin semmawng fanaule zong an itel ve. Mah kan sak dih cun an dang in caan an hmang. Rual-u pawl cu phungchim lai ah an ra lut ṭhan.

Upa pawl cu Lai Tipil krifa pumh tawn kel in kan ipuum ko. Pumh cung ah Krifa hlabu chung hla hi fung thum hrawng kan sa. Mipaak hlasak le hlaremh fung khat veve hrawng a um, church choir hlan ah. Hlasak a dih poh ah peibengh a si, puai bang in.

Kan sound system hi kan biakin hlaan mi a ngei tu (Mirang) nih kan zohkhenhpiak hna kaw a ṭha taktak. Hla bia hi overhead slide projector ah taar a si. Plastic i copy chom mi hman lo in Powerpoint lawngte kan hmang. A ṭha ngaingai.

ICBC ah cun caan hmang ding hi pulpit cung ah ṭhut cia a si lo. Atang ah ṭhut dih a si i an caan hman a phanh in pulpit ah va kai a si. Chenglawi tum tu belte nih pulpit cung in an tum.

Pumh chung hi sml 1.5 fai lawng a rau. 1:00 pm taktak in pumh kan thok kho lo nain 3:00 pm ah cun kan chuak kho cang. Pumh dih cun ichawnhbiak in ṭin cio a si ko.

Phungchim tehna, bupi ca thlacam tehna, hramthok thlacam tehna, hi bu chungtel poh rak ichaan a si tawn nain atu ah cun pasatorte nih an tlaih ngawt cang.

ICBC pumh cu a nuam tuk e ti i mivelngei hmurka tete kan theih ah hin kan izumh pah i kan tha a nuam. Bawipa sunparnak langhter hi kan saduhthah a si i, a fale santlailo tete ibawm i a sunparnak kan langhter khawh a si ah cun mah cu kan ilawmh nak a si.