|
Ediṭha
Aan
December cu Mission, Mino, Nubu le Ngakchia ti in pumh caanhman nak
pek an si i laam le kui le ṭamh he caan
hman a si. A nuam ko. Zeitluk in dah Bawipa kan sunparter hnga ti
belte a fiang lo.
Nunnuam phun i pumh kan tuah tik ah hin, puai a lo
i pumh a lo ti lo. Biatak le thlarau um dawh in a lang lo. Pathian
thangṭhat nak a si lo mi hla nuam kan sak
ah si seh, zohdawh laam nuam sawhsawh kan laam ah si seh, Bawipa aa
lawm hnga dekmaw.
Pathian cu thlarau a si i a bia tu nih biatak le
thlarau in an biak awk a si ti Cathiang bia a si i, ICBC zong Pathian
cu biatak le thlarau in kan biak ve a hau. Anuamh nak sawhsawh i ipumh
le zoh nuam sawhsawh i cawlcangh kan hman ah cun biatak le thlarau he
Pathian biak a duh mi cu ICBC ah ngam nak a har pah ko lai.
Hmai kum cu December thla zong hi anuamh nak i
ipumh thla si lo in thlarau le biatak he Pathian biak thla ah hmang
cang usi law mi kan ilawmh dih lo hmanh ah Pathian cu aa lawm
ṭheu hnga. Special Sunday zong hi December
theng i tuah dih lo in thla hnih dan ah phu khat thiah ti bantuk deuh
zong in tuah usi law, caan a hmang tu zong nih nuamh zuamnak ruam i
ruah lo in zuzu te’n pulpit hmang ko usi law a ṭha
ve men ko hnga.
<>< <>< <><
Krifa Upa ca ding i saduhthah:
• Pathian a ṭih mi
• Pumh aa ziak cia mi, atu zong pumh a fel mi (thlacam pumh tehna zong)
• Thlacam a hruai kho ding mi
• Zumhnak kong ah aa biatak mi
• Zudin tehna a hmang lo mi
• Baptist zumhning a cohlang mi
• ICBC a daw i a ṭanh mi
• Biabal a rel lengmang mi, asilo tal ah, Baibal a rak hngal pah cia
mi
• Laakhruak caan thiah zong i aa ot lakmak kho mi, khual sin zong i
zahpi lo ding mi
• Upa dang he rian a ṭuanṭi
kho ding mi
• Ei ei hnawm hnawm a tlai sawhsawh lo mi, mi ngian zong aa ralring
kho mi, upa dang le pasator kianh thlorh i a kian lo mi (mi-pasal)
• Krifabu ca i khua ṭha le khua santlai a
ruat mi, idea a ngei mi
• Kaadang thilsining le thilti zong a thei pah mi
• Chanthar khuaruahning le biangcawi a thlir mi
• Ca a rel mi, e-mail zong a rel mi
• A nupi he aa daw mi
• A ṭaw lo mi
Krismas kha
>>Nikhua a ṭha, cumpi tlangrai a um lo i
Pathian sin ah kan ilawm
>>Tukum ICBC Krismas cu a sunglawi in a nuam ngaingai i Pathian nih
lawmhnak laksawng a kan pek tiah kan ruah. Kan ngai te
ṭheu lai.
>>Name tag an kan tuahpiak kha a ṭha bak;
kan ihngal tuk rih hna lo i hihnu zong ah thla tlawmpal chung cu tuah
rih hmanh a phu. Minung rel nak zong ah a ṭha
pah. Kutṭial chia nawn i an
ṭial hna hrimhrim kha a friendly i kan duh
tuk, dawhte i ṭial nakin kan duh deuh
>>Baibal ileh lio Zaiku le saza Tluang an ṭan
ning kha cu kan philh kho bak lai lo
>>Mino laam nih khan micheu cu a kan nuamh bak, leikhing an bih tuk
pah ko na’n
>>Krismas ni ah hin cun innlei ngaih hla le zuun ṭhing
a phok mi hla nakin ngaihchiat thlam a leng lo mi hla ka duh deuh hna
>>Krismas hlaremh tehna a tlawm deuhvak. Kum dang ah ‘anih le hawi’ ti
a rak um pah na’n tukum hi aho kan itimlaam cio lo
>>Solo fung 2 an kan timhpiak i kan ilawm
>>X’mas Committee kha zeizong a khang tu le a tlai tu ding ah ka ruah
hna. Anmah nih khua khan, rian ṭhen, mi
thiah, thawng thanh, ṭhutdir ning kongkau
zong zei poh ah anmah nih tlangtlaak dih ding ah ka ruah hna. Pumh dih
caan hman ning le sosial tuah awk zong anmah nih khan dih ding in ka
tuah hna. Nain, krifa upa an cawlcang tuk deuh
>>Pumh le rawl ei kar caan i ngakchia hmai chuahter caan i kan hman hi
phung ah a can lo ding ah a ṭha hnga.
Ngakchia sersiam nak ah cun a ṭha ko na’n a
boring tuk i caan a paam. Nuamh dang tu ituah cang seh law a
ṭha hnga dah.
>>Laksawng kan ichuah lo tuk ka ti. Ngaknu le tlangval hrimhrim mah
lungtho i laksawng an ichuah ka hmu lo. Zan ah cun an ithleng ko lai
nain athlenthlen cu a special lo tuk. Meṭhai
(candy) tete zong iken i ipek khi hmaipanhte i ichawnh nak a si.
>>Khual a kan tlawng mi hawi kha khuahngal aho nih laksawng an chuah
hna hnga maw, an lawngte in dah an kir hnga ti ka ruat. Krismas a kan
hrawng mi khual siangngakchia tehna an um ah hin laksawng hei chuah le
rawl-ei ṭi hei sawm tehna khi an lunglawmh
nak a si i nutung lawng lo ngaknu zong i tuah khawh mi a si. Khual i
Krismas kan hman nak ah necktie, towel, angki, kedan, hmawca tehna in
dawtnak an langhter tawn i mah cu a sunglawi ngaingai.
>>Hmaan kan ithla lo tuk deuh. Krismas hi hmaipanh caan le angki dawh
hruk tik zong a si i, hman ithlaak leen awk kan si. Khual a kan tlawng
mi zong thlaakpi tawn ding an si, camera a ngamh mi an si ah cun.
>>Pathian hla an kan chuahpiak i kan ilawm. Krismas hla hi Pathian hla
a si lo mi an tampi. Jingle Bells tehna khi Pathian hla an si lo.
Bawipa chuah lawmh nak hmun ah cun Bawipa sunhlawih nak hla lawngte
chuah ding a si. Caan dang zong ah Lai zatlang mi i kan iziak mi hla
ichuah lengmang seh law kan duh.
Rolung Baibalcaang Thim
Nan zumhnak a va hme hringhran dah! 31Cucaah, ‘Khuazei in dah ka ei
awk ka rawl cu ka hmuh lai, ka din awk cu ka hmuh lai, ka hnipuan cu
ka hmuh lai,’ tiin lungrethei in um hlah ngat u.—Mt 6:30-31
|
Inn Ṭamh
Tukum Bawipa chuah sunhlawih nak ca i inn ṭamh mi zoh tik ah, inleng
he inchung he December hram ah an ṭamh maw
ti le, Santa Clause style in maw an ṭamh
Bethlehem style in dah ti tehna zoh dih a si i, tukum cu Rolung Editor
nih pakhatnak laak ding a si na’n aho nih an zohpiak lo i a pe tu ding
an um lo. Zunput hmanh a yamh.
Vei bel: Mino carol vah zan i inka a honh hna lo kha cu rawl an ei
leisang lio he aa ton ca’h a si. Kum dang tawn bang, chun in laksawng
pek awk zong an iring cia, zanvaak dangh awk thingthei zong ah cia in
an chiah i an hngah ko hna. Tuan ah an ra lo i rawl kan ei manh
ṭheu lai ti i an ei leisang ah chawnh cia
lo in an ra i, annih an rawlkho pi he an rak si tik ah, mibu luhter
awk a ṭhat lo lio te a si celngel ai. Cutik
ah kan ra lai tiah chawn cia hna seh law rawl zong cu tuan deuh, asilo
ah, hnu deuh lawlaw ah an ei hnga.
Mibu he mi inchung luh ding ah cun thanh hmasa a hau i, hruaitu
smart nih cun. thanh hmasa zong a si. ICBC zanvaakbu zong Moses le
Mamang i an hruai hna lio ah cun, ‘minung cuzat hrawng ka si i atu hi
anih te inn kan lut hnek i, mah dih cun nannih inn a si lai’ ti bantuk
in hruaitu pakhat nih cell phone in an kan thanh cia tawn i irin ning
kan thiam. Tukum cu khuate vah in vah a si rua.
Lai Ram ah khan cun carol vah ah mi inchung tiang luh um hlah kaw
ithanh hmasa zong a hau lem lo. Vah thuahmah i, inn ngei tu an um lo
ah siseh, zan khuahnu i thawh an theih lo ah si seh, an
ṭumbut te’n thla campiak taak a rak si tawn.
Hika ram ah hin cun carol vah le civui tuah tehna hi
cu pehzulh awk a ṭha te lo ding an si i,
tuah rih hmanh ah pasatorte le krifa upate i telpi
ṭung lo ding ah cun krifabupi thilti a lo lo i upat awk tluk in
upat khawh a si lai lo.
Rian Kong ah Moses bia
#1. Rian sok hlan ah form ṭial
thiam hmasa ding. Form ṭial hi pawcawm nak
i thil biapi a si i ciammam in cawn ding a si. Krifabu cheukhat ah cun
pumh dih khin biakin hrimhrim ah form ṭial
cawn nak an tuah ta. Form zong Moses sin ah laak khawh a si.
#2. Rian ngei tu (staffing) pawl he buaibai lo ding
#3. Rian na luh ni in ni 90 tlin hlan cu off laak lo ding. Khonh na
hal zong ah an in pek ko lai nain point na sung lai i hire caan a
phanh tik ah a’n dawnh lai
#4. Rian naa thawh khawh lo ah cun khonh hal hrimhrim ding. Chawnh
zong chawnh lo, rian zong i ithawh lo cu ‘no call, no show up’ an ti i
an huat tuk.
Cawk Ding
Kum dongh i tangka a hlei ah cun computer 3 asilole 2 in caw cang
usi law a ṭha hnga. Secretary ca ah pa khat,
Nunphung & Zatlang ca ah website, Rolung chuah nak ca tehna ah pakhat.
Bulletin hi catlap i chuah lengmang rih ding a si ah cun computer
pakhat a herh ve.
Na Duh Vial Ithim Kum thar ah cun;
• Chungkhat le hawikom sin caan hmang deuh
• Kuak iphiat
• Biabal ni khat caang khat tal rel
• Nuamhnak tuah deuh
• Leiba cham dih
• Thil thar cawng law thiam
• Uah ṭhum
• Mi bawm
• Computer tongh isum deuh
• Rian ṭha deuh kawl
• Fit deuh
• An caan te ah thil tuah hna
• Zu ngol/thlah deuh
• Zarh hnih oi khat inlei chawn
• Nupi ṭhi
• Sem rel
• Na soulmate kawl
• Na inn ṭamh deuh
• Hmaan oi nga ithla
• Kaa khatkhat tlawng
• Na leen bal lo mi inn 5 ah leng
• Ca rel deuh
• Khaini ngol
• Mi kom deuh
• Caan hman thiam
• Ngaknut hngal
• Khonh la sawhsawh
• Saṭaal thoh deuh
• Duhsah deuh in mawṭaw mong
• Ih isum deuh
2009 Kum Chung I A Cang Ding Mi Thil (an ruahchung
ning ah)
1. Paam a tlung kho
2. Lihnin a tam lai
3. Sual a karh lai
4. Pathian hi thlacam a let rih lai
5. Zisuh nih midawt a pehzulh lai
6. Pathian dawtnak aning in a hmun lai
7. Pathian fale hi Thiangthlarau nih a umpi hna lai
8. Baibal a hmaan nak a zor lai lo
9. Dawtnak ṭheu champion a si rih lai
10. Pathian nih misual a auh hna lai
Kan Philh Khawh Lo Ding -Ngakchia concert lio
-Mino caan hman lio (hmasa-u kha)
-Baptist civuipi i hla kan remh lio
-Kan church chairman lumeh chiat tuk lio
Rolung December cu Rolung a chuak men lai lo e tiah
kan rak ti na’n computer
hman chung awk kan hon ngei i kan chuah ṭhan.
Editor hi editor an thiah lio ah ‘zeitik tiang’ ti a rak um lo. Cuca’h,
kum thar ca’h editor rian khinh a si ti lai le si ti lai lo fianh a
hau.
Mission nih an kan laan tuk belte—Macedonia nih Rolung cu ningzah ah a
chiah, i Macedonia a chuah hnu cun Rolung zong hi kan chuah ngam set
ti lo.
2009 cu ICBC kum ṭha si ko seh.
|
