ICBC Rolung
Indiana Chin Baptist Church,
U.S.A. |
|
Mah ṭhan nak khuaram holh i holh ihrawh le pawngkam i hman deuh mi holh, tlaang a tla deuh mi holh poh ilaak hi khuaza ngakchia phung a si. USA Lai ngakchia zong nih English cu ilaak a si lai. English an thiam i an iziak chin lengmang tik ah cun, an thluak chung i Lai Holh a um cia cu English nih a penchuah deuh lengmang lai. Ahnu ah cun Lai Holh cu an iharh te lai. Mah ca’h, Lai Holh an iziakning a zor lo nakhnga Lai Holh hmanter lengmang an hau. Mah cu, Lai Holh cawnpiaknak tehna tuah lawng nih a tlinh lo. Ni fatin tuah a hau mi a si. Lente an icelh nak ah, inchungtang ah, biakin ah, khoika poh ah an nu le an pa lawng lo, zatlang mi aho poh ibawm in ṭan kan hau. Tlaang ṭan i kan ṭan ah cun khualram i an ṭhan ko hmanh ah Lai an si camcin lai. Washington DC Lai ngakchia atam khi Lai Ram a phaan bal lo an si. Mah na cun an nu le an pa nih Lai Holh in an holhter lengmang hna ca ah Lai Ram chung ṭhang bantuk an si ko. Kannih zong kan ṭan ah cun fanaule nih inlei an pipule le an chungkhat unau he ingamhtlakte in an ichawn kho lai. Hmual a ngei kho ding pakhat cu, English i an ichawnh theih tik poh i “Lai Holh in holh u” ti lengmang hi a si. Inchungtang ah nu le pa nih si seh, ule nih si seh, fanaule mahti cun auhkhuanh lengmang ding a si. Ngakchia a kuri tu (sazate) zong nih an fanaule mahti i ti lengmang cu a biapi ngaingai. Rian a si. ---------
2. Zisuh nih Sabbath ni a buar? 3. Zisuh kha upa nih an rem set lo?
--------- Efesa 2:10 Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan ipehtlaihnak thawngin thil ṭha cu kan tuah khawhnak hnga a ser ṭhanmi kan si. ---------
Ilet law atu tiang na nunlam hlun kha hei thlir ṭhan hmanh. Na lungre a rak theih nak le na rak phaan mi tampi kha na phaan ning tluk an rak si lem lo ning na hmuh ko lai. Mahti a si ah, lungre theih awk a si le si lo, phaan awk a si le si lo hngalh rih setsai lo in aziah dah na phaan i aziah dah na lungre a theih ṭheu? Aziah dek nuamte’n ka rak um ko lo, aziah dek thil cang ding hngah hmasa lo in ka rak itengteleet leen ti in naa ngaihchih pah tawn ko lai. Aluancia cu aluan cang. Tuhnu ca tu ah lungfim nak siter ko. Nun nuamh khawh lo hi a fawite. Nuamte i nun zong hi a fawite ve, itimh ah cun; thilcanglio amah lanh i lanhter ah cun thadam in nun hi hman le lawmh khawh a si ko. Lungretheih le vansan hi lanhter ko hna hmanh. Thinhon le nahchuah tehna, hmaan zungzal izuam tehna, mi va uk duh tehna, mah duhning theng i thil kalter duh tehna, hi anmah lanh in lanhter hna hmanh. Naa nuam deuh ko lai. Athapthap i aa thuan mi na herhpang, lungretheih le lungtluanlo tehna tang ah khan lawmhnak thiang a um ko. Thilsining poh na cohlan i, a ṭhat nak zawn duh na thiam ah cun, nun hi sung le nuam in na theih ko lai. Lungretheih le heh ti i ṭan ṭualmal hi ngol, law, lawmh le nuamh leipang ah imer. Lawmhnak hi na chung ah hmun pe law a ṭhan nakding zuahpiak.-- Ralph Marston
Pumh chung i ngakchia a rak kil tu ah zaanghlei a cawi kho mi ium seh law a ṭha tuk hnga, zarhfatin ca ipek si lo in midang he ichaang in achelchel ca zong in. Cu lo ah cun an nule hawi sin ṭhu kho lo in khualeng ah um a hau i ipumh ṭhahnem a si lo; an ipumh lo phah dih. Aa pe kho an um lo ah nawlfial le thiah zong in ṭan laak awk a si ko.
Nunphung le Zatlang rian deuh a si ko nain Church School hruaitule tu nih an hrihhawh i rian aa tlinh ca ah kan ilawm. Classroom a khaang tu le ca chim tu sazate cung zong ah kan ilawm. Mah bantuk thil aa ti tik ah hin aa lawm bik ding cu ngakchia-ngei an si ding a si. An nu le an pale nih an mipum hrimhrim in va chuahlanghpi le laksawng va laakpi ah cun mah thil a biapitning hi a lang deuh lai i tha a tho deuh ko lai.
Biakin chung i hmanthlaknak iken le vidiau thlak nak iken a um ti lo ti awk a si i kan ṭhancho deuh cang ning a lang. A ken hnek sual mi khual an um zong ah an hawile nih ralrin pek ding an si. Kan krifabu i Pathian kan biak lio kan zukthla hi laak le khual i va piah tehna, Youtube i chiah tehna zong kan duh ding a si lo. Bu chung mi kanmah hrimhrim zong nih mah cu kan hngalh a hau. Phungchim record duh zong ah, hika lei biakin hi cu camera aa bunh cia dih ko i, hnulei i sehtawng pawl tu bawmh hal in hnulei in rak thlaak ding a si. Pumh nak chung ah cun camera le camecorder ratpi ding a si lai lo.
#Hihnu cu kan minobu hi an irelh hlan i pulpit hman thiah ti lo in an i-redi hnu ah kan thiah piak cang hna seh, C+ tal hmu cang ding in, an ti. #Thlacam lio zunthawh pawl a ngia tu i video aa bunh cang ah, pawngmi biaruah a hmang mi a ngia tu tah chiah ve a hau lai lo maw an ti. |
Nu Ṭhawng le Nu Lungngei
Nu ṭhawng cu a
takpum aa dawh khawh nakding aa zuam zungzal;
Kei le ka hawile cit mi mawṭaw cu ngaknu um hna hlah kaw hawi van kan hai pah i capo le hlasak deuh in caan kan hmang. Kan farle a kal mi pei a tlawmtuk hna cu kan ti i kan hei i lungsak ve ko. Mibu khualtlawn fom nih kan peh chukcho a tam i anmah zanlei 5:00pm hrawng ceo ah kan va phan. Dallas TX cu Laimi kan pale tam nak USA i Laimi khua tlak hmasa pawl si kaw kan ram Laitlang khua le ram kan phanh ko hita ti tluk in kan i ruat. Civui tuahnak hmun in mithmai panh le thanuam tein an rak kan don. Kan baat zong kan philh dih. Kan va phanh a tlai deuh i rawl ei lo in pumh colh a si. Baat le pawṭam hnu i pumh sautuk cu za cikcek seh a ti mi zong aa um pah. Zanpumh dih cun kan hotel kan panh cio. Khaan khat ah minung pali tet nawn i kan ih mi zong kha philh khawh lo mi caan sungah an cang ṭhiamṭhiam ko. Kan pastorte pahnih pastor Lal Cung Awi le kan pa Van Lian pa i an kan telpi mi hi kan hnangam nak a si. Hmailei zongah kan Khrihfabu humzual le dirkamh chin dingin Pathian nih lunun, ngandam pe rih ko hna seh. Pumh caan kip ah hlasak nak le adangdang in can kan hmang kho. Ṭial Uk aw aa ngeih mi hna kan hlasak thiam mino hruaitu Salai Hrang Cung Hnin le Salai Bawi Cung Thang hla sak mi ko nih civui a zawh mi thinlung a lak cem. ICBC nan men lo an kan ti. A ra lo mi pei hi nak hin an ṭhat deuh rih cu kan ti hna. Atutan CBFA civui i an i lunghmuih cio mi cu thawngṭha chim le hlasak hi a si. Mi kip iton cu phun dang, solo zong an ṭha, choir hrimhrim cu chim hau lo hla pipa lawngte an remh. Haleluiah Chorus a remh tu CBMC ko vanmi run dahra hla a rung remhta ti tluk in a ṭha. Thla hnih chung kan cawn an ti. Kannih icbc mino nih zeitik ah khin dah mah tluk ṭha hin kan remh khawh ve te hnga. Kan nau Ṭha Hlei Sung (Nute) biaral doh (debate) chim mi hrim cu a men lo. Pastorte khua a ruahter len hna lai. Umpi ne khengpi ne tiah kanmah kan tam bik, 54 kan si. CBFA chungtel kan si lo nain anmah chungtel tluk tein an kan hmuh mi ko hi kan i lawm. Thlarau tirawl va si ko hmanh ah khual si bu i va i tel lengmang ding belte hi ruah deuh cu kan hau rua tiah ka ruah. Zarhpi ni zing cu kan hun phan. Kan pastor kan pa Van Lian pa nih thawngṭha a kan chimh i a ṭha hringhran. Pumh dih chuncaw ei hnu ah lungsia herh ngai in kan khua Indianapolis panh ding in timhtuahnak kan hun ngei. Kei le ka hawile rual zawng cu kan farle ho tal nih nan mawṭaw ah kan chuang kho ve hnga maw ti mi ngiat pah in kan mawṭaw cu duhsah nawn khin kan mer nain zei kan tong lo. Ar zaw bang civui zuun zawt hnu suimilam 14:00 ring lo mawṭaw cung rilh lai kan ruah ko ah lung a caw i mit a raa. Hmurka ngei lo in suimilam pahnih tluk kan kal hnu ah kan kal lei i kan sak mi hla tete nawlh hram kan hun thawk ṭhan. Civui zuun zawt pah le vaal no rual lawng hei si ko hmanh ah kan Lai hla ko hi nganfah damter tu an rak si ziar. Niagara Falls lei “civui” zawh kan hawile cheukhat zong thawng kan hei zamh ve hna. A kum khat nak civui a si ko nain mi kan ṭha hnem, hla le “thawngṭha” chim zong a ṭha an ti. Tutan kan civui zawh cu a nuam hrim ko. Aho pumpak min chim awk ngaih lo ka tuar mi civui zuun cu kan hlan run inn sofa cung zau dah ti lo ah zei cu dah chim awk ka ngeih rua hnga.–Bradford chiarkhuan ----------- Zei huaha lo te aa nuamhnak kho mi khi mirum bik cu an si ko. That man is the richest whose pleasures are the cheapest.--Henry David Thoreau --------
*Mawṭaw ṭha tuk nan icawk colh ah hin mi nih aṭhin
an kan big rua tiah ruat hlah u. Mawṭaw mansang tuk icawk cu kedan
tleu taktak, teet taktak i idanh he aa lo. Mawṭaw cawm a fawi lo.
#Zuri pa nih pelek a hei auh hna. “Ka mawṭaw hmailei thil vialte an fir dih. A steering wheel tehna, a brake tehna zong azei hmnah a taang lo, hlatpiak ka hau” a ti hna. Pelek pawl cu a serh hmanh an iserhsiam manh rih lo. Mah lio ah cun a hei chawnh ṭhan hna i, “A hau ṭhan lo, back seat ah ka luh sual bia a si” a hei ti hna. ---------
|
