PU le SALAI
Ceu Hlun

Laimi zong mincawi kan hmang ve cang; nain a hmanning kan thiam setsai rih lo. An sullam zong kan hngal ṭhaṭhi lo ti awk a si. Pu le Salai kong zong ah kan tlau rih in a lang.

Pu hi patung tinak a si lo i Salai hi tlangval tinak a si lo. Pu le Salai cu patung si le si lo, tlangval si le si lo he an iseng lo.

Pu cu upatnak min a si. “Pu Lian Cin” ti cu “Upatmi Lian Cin” ti nak a si. Cuca ah, upatnak i kan auh hna ah cun tar zong no zong “Pu Anih” tiah kan auh hna ding a si. Biana ah, khual zahtlak Herman a luh lai ah upatnak in dirpiak ding va si sehlaw, patung a si le tlangval a si va hlat hmasa a hau lo. “Pu Herman a rung lut cang lai” tiah ti ding a si ko. Pu cu “upatmi” tinak a si ca ah, miphun dang zong Pu Clinton, Pu Arafat ti i auh an si hi a si.

Kawl nih patung auh nak ah U an hman i mah ning cun ruat in micheu nih Pu cu patung ca ah a si rua tiah an ruah ṭheu. A si lo. Laimi i Pu hman kan ihrawh hi Kawl nawl kan icawn a si lo. Kanmahte i kan ser ve hrimhrim mi a si. Kawl hmanning zong in kan hmang theng lai lo. Kannih i kan hman ding ning cu upatnak ah a si; patung si nak ah a si lo.

Salai cu pawlitik min a si. Salai kan hman hi miphun dang nih Laimi kan si kan hngal hna seh tinak ah a si. Sianghleirun ah cun an kan hngalhnak ngaite taktak ko. Asinain, Salai zei a si a hngal lo mi sin ah cun hman leen zong ah an hngal hlei lo. Sullam zong a ngei kho lo. Cun Laimi lila sin i Salai hman zong Laimi si khun a lo i aa dawhtlak tuk lo.

An chim ning ah cun Salai cu pasalṭha tinak tehna, zumhtlak tinak tehna a si. “Salai Anih” ti cu “zumhtlak anih” tinak khan a si. Cuca ah, upa pipi zong zumhtlak an si nak langhter duh ah cun “Salai Anih” tiah auh ding an si hnga. Salai cu mino/tlangval ca theng ah a si hrimhrim lo.

Pu le Salai hi an ichingchang lo. An sullam aa dan ko ca ah hman kop khawh an si. “Salai Pu Za He” ti bantuk in hromh khawh a si. Zumhtlak le upattlak Za He tinak a si.

Salai hi unity ca ah hmang usi ti cu a rak si i an ṭanh lio ah cun an rak ṭanh ngaingai. Asina’n a rak ṭanh tu pawl zong cu an kum a hong upat cun Salai cu an hmang taktak ti lo. Cun mi acheu nih Salai cu an duh lo. I, unity pek lei lo in isik dih deng nak ah a cang. Atu ah cun Pu hi cohlan bik a si cang. Lusei, Tedim, Mindat, Kuki tiang in cohlan a si.

------------

Na bia a ngai tu nih a lu lawng a suk lengmang i zei a chim lo ah cun na biachim kha ngol a cu cang ti hngalh ding a si.

-----------

The time to stop talking is when the other person nods his head affirmatively but says nothing. --Henry S. Haskins

------------

Na Hngal Bal Maw?

1. Luli thankawng (dragon fly) khi sekanh khat ah voi 20-40, tho voi 200, fikfa voi 600 tiang an thla an zaap.
2. Sekanh khat ah na mit voi 2-10 na ṭhep. Mah catlang na rel lio ah hin na mit kha sekanh khat ah voi 100 hrawng hnu le hmai aa chok. Sekanh khat ah na mit retina nih khan computer thiltuak mi bantuk voi billion 10 hrawng a tuak manh.

Ralrin

Spinach ah bacteria E. Coli a um i aa ei sual mi minung za leng an thi cang. Iralring cio u.

An Nule Khawn Dah Nan Si?

Sunday School ngakchia hla an remh lio ah khin an hmai in ngakchia dang nih an rak khalh/tuai ṭheu hna i, mipuum nih si seh, ngakchia dang nih si seh mah hna ko cu zoh le nih an si. Ngakchia hlaremh hna a hnawh ngaingai. An nule nan um ah cun nan fale kil deuh tuah hna u.

-----------

THE OLD PATHS
[Written by a retired minister who lives in Tennessee.]

I liked the old paths, when
Moms were at home.
Dads were at work.
Brothers went into the army.
And sisters got married
BEFORE having children!

Crime did not pay;
Hard work did;
And people knew the difference.

Moms could cook;
Dads would work;
Children would behave.

Husbands were loving;
Wives were supportive;
And children were polite.

Women wore the jewelry;
And Men wore the pants.
Women looked like ladies;
Men looked like gentlemen;
And children looked decent.

People loved the truth,
And hated a lie;
They came to church to get IN,
Not to get OUT!

Hymns sounded Godly;
Sermons sounded helpful; AMEN!
Rejoicing sounded normal;
And crying sounded sincere.

Cursing was wicked;
Drinking was evil;
and divorce was unthinkable.

The flag was honored;
America was beautiful;
And God was welcome!

We read the Bible in public;
Prayed in school;
And preached from house to house

To be called an American was worth dying for;
To be called a Christian was worth living for;
To be called a traitor was a shame!

Sex was a personal word.
Homosexual was an unheard of word,
And abortion was an illegal word.

Preachers preached because they had a message;
And Christians rejoiced because they had the VICTORY!
Preachers preached from the Bible;
Singers sang from the heart;
And sinners turned to the Lord to be SAVED!

A new birth meant a new life;
Salvation meant a changed life;
Following Christ led to eternal life.

Being a preacher meant you proclaimed the word of God;
Being a deacon meant you would serve the Lord;
Being a Christian meant you would live for Jesus;
And being a sinner meant someone was praying for you!

Laws were based on the Bible;
Homes read the Bible;
And churches taught the Bible.
Preachers were more interested in new converts,
Than new clothes and new cars.
God was worshiped;
Christ was exalted;
and the Holy Spirit was respected.

Church was where you found Christians
on the Lord's day, rather than in the garden,
on the creek bank, on the golf course,
or being entertained somewhere else.

I still like the old paths the best.

--------

Rolung chuah awk ca khawmh a har hih, rak thawh cio u. --Ediṭha Ceu Hlun
 

TULUK BIAZAI
Bingbir

AD 220 in 280 hrawng ah hin Tuluk ram cu pennak pathum ah a rak iṭhen. Wei, Shu, le Wu pennak an rak si. Wei pennak cu Siangpahrang Cao Wei nih a rak uk hna. Tuanbia ning ah cun Cao Wei Siangpahrang hi thinlung tenau a ngei mi, ruahnak bi mi a si.

Hi lio ah hin siangpahrangpa i a nau pakhat cu biazai phan (hla phuah) a rak thiam ngaingai. A biazai phan mi nih tuluk mipi vialte cu an khuaruah a har ter hna. An upat ngaingai mi le an uar ngaingai mi ah a cang. Cu tik ah a u pa nih cun a nau cu a nahchuah i ziar a ngeih. Ruahnak petu hna zong nih “Na naupa hiti ning i mipi i an upat ah cun ṭihnung a si. Acaan a luan hlan ah pakhatkhat na tuah a hau” ti in a thluak ah ruahnak ṭhalo an rawnh fawn. Cu ti cun a upa nih cun a naupa cu nikhat hnu nikhat in a huat chin lengmang.

Zingkhat cu Siangpahrang Cao Wei nih cun a mifim pawl le tlangbawi pawl meeting a auh hna. Meeting chung ah cun ruahlopi in a naupa biacaih ding in order a chuah. A naupa cu a thawh i “Siangpahrang ka si bang in biazai phan na thiam taktak le thiam taktaklo fianter ding ah ṭuanvo ka ngei. Cu caah na thiamnak cu kaan hneksak lai i cu hneksaknak cu na awn a hau lai. Atu na dirnak in hmailei ah kaar sarih na hlan lai i cu chung ah cun biazai pakhat a hramthok in a donghnak tiang na phan lai. Na ke kaar sarihnak ah na phan mi cu na rel lai” tiah a ti. Kaar sarih cu second tlawmte chung lawng a si i siangpahrang pa nih hin zeidah aa tinh mi a si ti cu meeting a kai mi zapi nih an hngalh dih i an lau ngaingai. A si na in a nau pa cu zeihmanh ṭihnak le con-lau-nak ngeilo te in a hung dir i a ke cu hmailei ah kaarkhat hnu kaar khat a hlan thluahmah. Kaar sarihnak a hung tlin bak ah a dir i hi ti hin a biazai cu a rel:

“Bailep ruang cu, thing ah an hman
Bailep tihang so nak ah

Aa ṭah sek leen, Lungthin faak in
Um tlok chung i Bailep cu

Ciikhat hramkhat, Chuak kan si ṭung
Mah le mah kan i hrawh hi… tiin!”

A biazai a hung dih cun a u pa cu a thawh ṭhan i “Zei caah dah chuakkhat u nau kan si ko na in hi tluk in ka caah ṭhatlonak khua na khan?” tiah a ti. Siangpahrang pa cu a nau i biazai te nih cun a thinlung a suk ngaingai. Cu caah a nau cu a nunnak a zuah i ramdang ah a zaam ter. A nau pa i biazai cu Tuluk miphun nih tuni tiang an run thiam. Chungkhat le chungkhat, phunkhat le phunkhat, khuakhat le khuakhat an i ral caan le remnak an tuah caan fate hmah hi biazai cu an run sak tawn.
Hi tuanbia hi a cang taktak mi a si caah China History Books chung ah ṭha te in record an tuah.

(Daily Journal, Johnson County, IND, April 28, 2006 chung in lak mi a si)

-----------

Rolung Baibal Caang Thim:

1 Peter 2:9. Nannih tu cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian i a tuahmi khuaruahhar thil a thanhtu ding ah a thimmi nan si.
----------

Tuzarh cu

Pathian nih kan mawṭaw manlo in a kan ṭawlpiak dih. Gas man nih le a ṭum. Tangka tam pah kan save. Thawhlawm zei dek a lawh lai.
 

Zei pei, zei pei?

1. Ke za khat ka ngei; nain ka dir kho lo. Hngawng saupi ka ngei; lu bel ka ngei lo. Khua ka hmu lo; na’n ka fel i ka thianghlim. Zei pei ka si?
2. Rawl na ka pek ah cun ka nung lai. Ti na ka dinh ah cun ka thi lai. Zei pei ka si?
(Rolung tawne ah aphi zoh)

Hey Kids!

Have fun at: http://www.whitsend.org/ and
http://www.kids4truth.com/hometwo.asp
Had you known it was a dog you were chatting to on the chat line, would you’ve showed up?

-----------

Harnak hi Pathian Thluachuah
Rual Bik

‘Vanchiat’ ti hi kapkhat lei-in chimh ahcun ‘harnak’ ti khawh a si ve . Vanchiat tawn hi Pathian thlachuah a si ti hi zumlo mi hna caah cun khuaruahar ngai thil a si ko hnga. Nain, kannih zumtu hna caah cun Pathian thluachuah a si. Cu lakah Pathian thluachuah a si lomi harnak hi a um ve. Harnak kong hi a tlangpi in phun thum in tthen khawh a si.

1. Theih cia bu i kan ton mi harnak:
Hi hi Pathian nih a kan duh piak mi zong aa tel kho nain, tam deuh cu kanmah duhthim in kan tawnmi harnak a si kho. Tc: Mi he isik hi minung mithmuh hrim zong in thil ṭhalo asi ti kan thei ko na buin kan va tuah ruang ah kan tawn mi harnak khi a si. Harnak ka tawn hrim lai ti itheih ko na buin, a si loah Pathian nih a duhlo ti kan thei ko na bu i kan tuahmi thil ruang i kan ton mi cu Pathian thluachuah kan ti kho hnga lo.

2. Pathian nih a kan hneksak mi harnak:
Pathian i a kan hneksak ning hi aa dang cio lai. Micheu cu ngaihchiatnak in maw a siloah, thinhunnak le tuah kan duh lomi tuah duhnak lungput ngeih ter in a kan hneksak tawn. Pathian nih hin a dawtmi a fale cu a kan hneksak tawn hna nain; kan iin khawh leng harnak hi kan cungah a tlunter duh tawn lo. Hi zawn ah hin zumhtu tampi kan tlaunak a si rua tiah ka ruah. Zumhtu a si mi nih harnak kan tawn tikah zumhlo mi hna bantuk in kan in/tuar awk a silo. Zeicatiah, Pathian nih amah zumhtu fale cu kan in khawh leng in harnak le vanchiat hi kan cungah a tlunter hrim lai lo, ti hi kan ifian ah a ṭha. Hi hi Pathian thluachuah a si.

3. Ṭhatnak a kan duhpiak i, kan ton mi harnak:
Pathian nih thil ṭha hmuh hna seh tiah, a kan tawn termi harnak hi minung leikap cun theihthiam a har ngai tawn. Tc ah, mi pakhat hi a nu le a pa chan in Pathian duhnak a rak tuah tawnmi fa, asiloah, amah hrim nih Pathian duhmi a rak tuah tawntu a rak si ihngalh loin, misual le mipalh ngai in aa ruah ruang ah Pathian nih a kawh caah harnak a tawn termi kan um.

Tahchunnak dang, zumhtu a simi pakhat hi khualtlawn aa timh i a khualtlawnnak lam a tluan nak hnga Pathian sinah thla a camnak kong a si. A thlacamnak cu: Maw Bawipa le ka Pathian thaizing khualtlawn ding ka si i, ka khuatlawnnak ah nangnih rak ka umpi law, dam tein kan khua ka phanh ṭhan khawh nakhnga tiah, thla cu a cam. Thaizing khualtlawn aa thawh cu tiva hlei cung in a tla i, an khua ah a kir tthan ti a si. Inn a phanh cu, Pathian nih ka thlacamnak a ka leh lo tiin a phunzai ti a si. Cu lio ah thawng a theimi cu.. Tiva ral ah misual an rak um i, mizei poh an thah hna ti a si. A sullam cu hi pa hi tiva ral va phanh kho sehlaw, misual nih an rak thah hgna ding a si. Hi hi Pathian thluachuah a si. (peh te ding)

AN TI

#Mi inn thar si seh, bawhte si seh, zohpiak tik i atangka lawng chuah, akhaan le aṭuan vial anmah chung rinh dih hi cu hmai hngal awk a tlak lo. Min ṭhat duh sawhsawh a lo. Akhaan le aṭuan pei a har mi a si ko cu, vok vok khat chuah cu a har tuk mi a si ṭung lo, an ti.
#Kawhnak ca hi biakin ah cun kan pe ti hrimhrim hlah u. Kan duh lo. Nan kan kawh le kan inn te ah kan ko sawh u. Nan kan kawh lo le um ko u.

CAPO

#Pasatorpa tipil a pek cuahmah lio ah zuripa a ra ve. Tipil ka pe ve law a ti. Aa tlaih i ti ah cun a hnem. A thawh lei ah “Zisuh na hmu maw?” a ti. “Hmu hlah” a ti. Ti ah cun sau deuh a von hnem. “Na hmu cang maw?” a ti. “Hmu hlah” a ti hoi. Sau chin a von hnem. “Atu tah na hmu cang maw?” a ti. Zuripa nih cun, “Ka hmu bak lo e. Mahka zawn setset ah hin maw Zisuh cu ti ah a tlaak?” a ti an ti.
#Pakhatpa cu a thin a tawi tuk ah in kuttum hruai cia bak in a um an ti.

Aphi kha: 1. Hmunphiah 2. Mei