|
UM KAK TE
Ediṭha
India ram i tithanpa pakhat cu, arkawlaang in a bawipa ca ah nifatin
te ti a than lengmang. A liang in laang cu a put i khattelei le
khattelei cun tium cu an ithlai; pakhat a orhlei ah, pakhat a kehlei
ah. Tium um khat cu a kak mi a si i ti a zut lengmang. Ti a khat i a
rawn ah, inn phanh tik ah cun a tan lawng a taang lengmang.
Tithanpa nih cun kumtluanchuak nifatin ti a than
ah, ti um khat le atan lawng a bawipa inn a phanhpi khawh lengmang. Um
him cu a hmai a hngal ta, himte’n ti ka phanhpi ti in. Um zut tu cu a
ning a zak, ti ka thlawh dih ti in. Kum hnih a hung rauh tik ah cun,
um zut cu a phuhrun a celh ti lo.
Nikhat cu tikhor kam ah cun tithanpa cu um zut nih
cun a nawl. “Keimah hi kaa zahpi tuk. Kumpi kum hnih chung ti na than
ah voi khat hmanh akhat in inn na phanhpi bal lo. Keimah santlaihlo
ruang ah a si” a ti.
Tithanpa nih um zut te cu a zaang a faak tuk i
hnemh nak ah, “Asi ah cun atu kan
ṭinpah ah hin lam kam i pangpar
vialte zoh pah dih te hmanh” a ti. Inn lam ah cun pangpar cu
lamthlochuak a hon zoh pah. Ni nih a run tlanh hna i an idawh tuk. Um
zut te cu a tha a nuam. Aa lawm. Asinain inn an phanh ah cun ti cu a
zut dih hoi i a ngaih a chia
ṭhan.
Tithanpa nih cun, “Khah, pangpar dawhdawh an par
nak kha nangmah lei kam ah a si khah, na hmu ko lo maw? Um zut lo lei
ah cun pangpar an par lo khah. Aziah dah a si ti ah cun, na
santlaihlonak kha ka hngalh ca ah, nangmah lei kam ah pangpar ka cin
hna i zingfatin nangmah nih ti na toih hna i na parter dih hna. Mah
pangpar dawhdawh cun pei kum hnih chung vialte ka bawipa cabuai
dawhte’n ka
ṭamhpiak khawh cu! Nangmah nih mah inn hi na nuamhter” a
ti.
Aho kannih cio zong hi cu um zut te bantuk cu kan
si ve. Santlaihlonak kan ngei cio dih. Soi kan phor cio dih.
Sihmanhsehlaw, cu kan santlaihlonak Bawipa kan sianh i kan chanh ah
cun,
ṭhat nak ah a hman lai i Pathian sunpar langhternak ah a canter
ko lai. Pathian cabuai
ṭamh nak zong ah a ser ko lai. Kan zeizong
Pathian chanh i ralṭha te tu in a rian
ṭuan ding a si.
Rolung Hla thim:
PA, NA SIN KA RA
Sun Par sakmi
Pa, na sin ka ra.
Kei ka thinlung hi thleng law,
Na velngeihnak cu,
Na sin in ka hmuh.
Pa, na sin ka ra.
Zaang der mi ka si kaa hngalh,
Si hmanh seh an lo,
Na ka dawtnak thawng in.
Ka hruai law na dawtnak ka coter,
Ka naih law na pawng ah run ka chia,
Ka’n hngah ko, thlarau in lam ka hruai law,
Cun nangmah dawtnak he mupi bang ka zuang lai,
Na ka dawtnak thawng in.
Pa, ka mit fianter,
Na hmai dawh ka hmuhter tuah,
Na dawtnak ka hngalhter,
Ka sin ah um tuah.
Ka thinlung ser
ṭhan,
Na duh bang ka hmang, keimah hi,
Nitin ka nunnak ah,
Na ka dawtnak thawng in.
A hla tlangpi le a phan tu Rolung nih a hngal lo. A hla hi http://cacc.info/Hla/SunPar02.wav
ah ngaih khawh a si. Ipumpeknak hla a si i ICBC zong nih thiam ve usi
law a
ṭha hnga.
KHOIKA AH E?
Na fale kha Christian Book Store ah na kalpi bal hna maw? Kalpi hna
hmanh. Zei nan cawk poh ah an ca i a
ṭha mi lawngte a si lai. Krifa
vidiau, krifa cauk. Southport lam cung ah a um ko khih, I-65 kam te
ah.
Mah Le Mah Itlaih Khawh
Naa zuam mi thil vialte sin ah cun, nangmah le nangmah itei hi a fawi
pawl le a ol pawl a si. Na khuaruahmi na uk khawh tik, na bia le na
tuahsernak na kil khawh tik ah cun, na tuah khawh mi hi a tam tuk cang
lai. A ri khiah awk hmanh a harh tuk cang lai.
Nangmah le nangmah itei khawh nakding ah midang aho
i nawl rak pek hmanh na hau lo, bawmh zong na hau lo, ttanpi zong na
hau lo. Naa tei khawh nakding ah hin fimnak le thiamnak zong ahlei in
a hau lo.
A hau hrimhrim mi belte cu aruang fek hi a si. Cu
aruang cu sullam a ngeih ding tluk i a ngeih taktak tik ah cun, na nun
uk khawh nak le uk duh nak ngeih khawh nakding hi naa harh ti lai lo.
Cu ruang ah pei, na kal duh nak hmun fian setset le
kal na duh nak aruang hngalh setset a herh nak a si cu! Naa tinh mi na
hoih taktak tik ah cun nangmah le nangmah naa tei kho cang lai, i
nangmah le nangmah naa tei (control) khawh cang hnuhnu ah cun
hlawhtlin nak cu a fawite cang.
Na cung i a tlung mi tukforh le mitthlaphor thil
nak khan, na chung i a um mi duhnak (chunghrum i naa timh mi) kha a
tthawng deuh. Cu na chung i a um mi, sullam felfai a ngei mi aruang,
nih cun a’n benchan lai i mah nih cun na thilti mi vialte a tlaih
khawh dih ko lai.
Mah na hmuitinh na fian le na langhter khawh deuh
poh ah, nangmah le nangmah kha fek chin le fel chin in naa tlai
(control) kho cang lai. Nangmah le nangmah naa tlaih khawh deuh poh
ah, nan nun a sang cho chin lengmang lai. --Ralph Marston
Ṭhal chung i tuah ding:
• tiliau cawn ding, ilaiu ding
• water melon ei ding
• cauk uk thum tal rel ding
• mall ah thlan idaih ding
• Laica rel naal cikcek in cawn ding
• a’n daw tu min 10
ṭial ding
• hmaan ithlak ding
• ninem ah park ah kal ding
• aho he dek freesbie ichanh ding
• tukum chung tuah awk
ṭial ding
Worship KomiṬi Cung Lawmhnak
Kan worship committee khuakhanning kan zoh ah Pu Rolung aa lawm
ngaingai. Zeidang zoh rih lo in, kan bupi hlasak mi lawng hmanh zoh
tik ah hla
ṭhaṭha an kan thimpiak. Sakhmun le sakhmun sakpi zong si lo
in hla kimkip te an kan thimpiak i hlathiam
ṭhing an si nak le krifabu
zawn an ruah nak a lang. Pumh chung i hla fung thum an kan sakpi zong
hi a za bakte a si.
An caanthiahning zoh tik zong ah khua an hngal tuk
kan ti. Akel le akel fial lo in mi kimkip rian an thiah hna i mah zong
hi ICBC a nuamhter tu a si. Pastoral prayer tuah lo i, aho poh zaapi
ca thlacam an thiah tawn hna mi hrimhrim hi a
ṭha tuk tiah Rolung nih
a ruah.
Kan bulettin zoh rih usi.
Ṭ deh cia te i bulletin a
chuah kho mi hi vawleicung Lai krifabu ah ICBC lawng hmanhmaw kan sii
tiah kan ti lengmang. Mah zong hi an fel a langh nak le kan ca le kan
holh an upat a langh nak le an thiam a langh nak a si. Mah
Ṭ an deh mi
nih hin bia a fianter tuk i a rel tu tha a dam.
J Adang
cu kan chim ti lai lo (an izumh sual lai).
USA Kong
Luatnak hmuh ni: July 4, 1776.
Khualipi: Washington DC
Bia tlaihtung: In God We Trust
Rampi hla: The Star-Spangled Banner
Ram bitkauh: 3,615,123 sq. mi. (9,375,720 sq. km.)
Rampi va: Mu luring (bald eagle)
Rampi pangpar: rose
Ramkulh ngan bik: Alaska; ahme bik: Rhode Island
Milu zat: 299,048,866 (06/24/06 at 01:54 GMT)
Mirang: 80.4%; Minak: 12.8%; Native Americans: 1%; Asians: 4.2%;
Hispanic: 14.1%; Mirang (Hispanic tello in): 67.4%
High School graduates: 80.4% (kum 25 cung ah)
Bachelor Degree ngei: 24.4% (kum 25 cung ah)
Zaaraan tangkaluh zat (2003 kum): $43,318
Sifak zualhma: 12.5%
Biaknak (2002 estimate): Protestants: 52%, Roman Catholic: 24%,
Mormon: 2%, Jewish: 1%; Muslim: 1%; adang 10%; biak ngei lo: 10%.
http://quickfacts.census.gov/qfd/states/00000.html
http://cia.gov/cia/publications/factbook/geos/us.html
Vei dahkaw
Tu thla Indy Rolung hi tuan deuh ah chuah awk a si nain, kanhnulei
zarh kha ediṭha a chung nih a tlik, zarh hmasa kha a hnap nih a tlik
fawn i atu ceu a chuah hi a si. Atutan i cu amah nih a
ṭial dih nawn
ve. Hihnu cu midang zong nih rak
ṭial ve cang u, 450 words in. A kuat
nak kha, indyrolung@yahoo.com ah a si khah. --Ediṭha
Ceu Hlun
|
Caanngei Rian
3
Ceu Hlun
Thlacamtu rian
Thlacam thiah mi nih hin, ‘zei ca thlacam dah an kan thiah’ ti hi fian
hmasa i, cu an thiah mi te cu cam ding a si. Hramthok thlacam an thiah
ah cun Pathian sin ah lawmhnak bia tawite a chim lai, Pathian a kawh
lai, pumh Pathian sin ah a chanh lai. Mah cu a za. Adang a hau lo. Nau
ca le innngeitu ca tehna cu midang nih an cam te ko lai tiah ruah ding
a si. Cam khanh dih ding zong an si lo. Thawhlawm ca thlacamtu zong
nih thawhlawm Pathian sin i a chanh ah a za ko. A pe tu ca thluachuah
hal zong a
ṭha; tuah hau tu cu a si lo.
Zarhpi pumh i zaapi ca thlacam ah hin cam khawh awk
tampi a um ko lai nain, a camtu rian biapi bik cu krifabu ca thlacam
hi a si. Krifabu a tluan nakhnga, Pathian sunpar a langh nakhnga, bu
mission rian thlua a chuah nakhnga, bu chung mi kan irem nakhnga, bu
hruaitule lairel an thiam nakhnga, pasatorte tukforh an tei nakhnga,
chungtel dihlak aa lawm in kan um nakhnga, tehna. Mizaw ca tehna,
fapawi ca tehna ca cam chih zong a ttha ve. Biapi bik tu cu an si lo,
thinphang a si mi an um lo ah cun. Lungretheih vansan a tong mi le
zawtlak puicumh a tong mi si hna seh, khual lam hlat a tlawng mi kan
krifabu mi si hna seh, thlacampiak philh lo ding an si. Cun vawleicung
krifa dang he thlacam kan ibawmh awk a si mi thil ca hi cam lengmang
ve ding a si. Biana ah, ral a thawh lo nakhnga, khuati a tthat nakhnga,
sualpang a tlawm nakhnga, tehna. Vanchiat lihninh a tong mi tehna, Lai
Ram ca tehna, Kawlram pumpi ca tehna i thlacam zong an biapi.
Inn thar ca le nau ca thlacam tehna hi cu pasator
le krifa upa nih cam a si deuh i ttial hau a um lai lo. Nain, upa
acheu cu an lunghna an ihngal lo i, nau min si seh, chungkhar i an
ithawh mi an rualchan min si seh, ihmahthah lo in apingpang le avuava
in a chim ttheu. Acheu nih an nawnnok dih. Acheu nih le pumhkharnak
thla an cam ah hawi cam cia heh tiah an nolh. Mah bantuk cu caan a heu.
Thlacam thiah mi pohpoh nih itimhlamh cia a hau,
zei vial dah ka chim lai ti in. Pathian cu amah bia lila in tongh ding
a si e an ti i, thlacam a bawm tu Baibal caang tete zong thlacam sin i
tenh awk ah irin cia ding a si.
Debit Card le Credit Card
Mah hi, tangka hman khawh nak card an si. An ilo
pah. An idan nak bik cu, na hman mi tangka a ngei tu ah a si.
Debit card nih cun nangmah tangka ngeih cia
kha a zuh. Bank ah $500 hei ngei law, debit card i thil $200 man na
cawk ah cun na tangka $500 chung khan $200 aa zuk lai i $300 a taang
lai. Cuca’h Debit card in $50 hman na duh ah cun na bank account ah
tangka $50 tal a um a hau. Na ngeih zat nak tam na hman ah cun dan na
liam lai, $30 hrawng.
Credit card hman cu mi tangka va cawi chung
khi a si. Chase Bank ah credit card na tuah hnga i credit line $1000
na ngei hnga. A sullam cu Chase Bank tangka $1000 tiang hman chung
khawh nak nawl na ngei tinak a si. Biana ah, Wal Mart ah thil phunphun
na caw i mah credit card cu na hman. Wal Mart thil na laak mi man cu
Chase Bank nih Wal Mart an pek chung hna lai, nangmah ca in. Nangmah
tu nih Chase Bank cu na rulh te hna lai, duhsah in.
Debit card hman cu check
ṭial he aa khat ko. Nain,
debit card a
ṭhat deuh nak cu:
(1) Dawr cheukhat cu pumpak check an cohlang lo; credit card le debit
card lawng an co.
(2) Pumpak check cu mah umnak pawng le khua chung lawng ah hman awk a
ṭha. Debit card cu vawleicung hmum khuaza in hman khawh a si. Credit
card zong.
(3) Check
ṭial nakin card hman a rang deuh.
(4) Check cu a cauk a dih ah cah
ṭhan lengmang a hau.
(5) Check tlap khat
ṭial tik ah pia 10 hrawng lengmang sungh chih a si.
Card hman a
ṭhat lo nak cu:
(1) Na card na kil khawh lo ah cun na tangka an fir khawh. Na min in
leiba torlak an laak khawh. Atu Amerikan minung million 10 ringlo
lengmang kum khat ah mahti cun zaw an tla.
(2) Card hman cu a fawi tuk ca ah thil mitthi hmuh zawn ah itimh cia
lo pi in tangka tam tuk hman sual khawh a si.
(3) Credit card ba pek khawh lengmang lo ah cun credit chiat nak a si.
Mi hi an fel cio ko nain credit card ba a pe kho lo mi an tam deuh.
(4) Sungh a phor kho. Biana ah, thil $220 man kha $40 an
ṭhumh i $180
in an sale. Zaangraam in na cawk. Thla khat ah $15 tete in na cham.
Voi khat cham na hnu i $30 dan an in tat. Na cham bang kha akarh an
rak ngei fawn. Fonh dih ah, na cham dih tik ah cun $228 hrawng ah mah
thil cu aa chuah. Sungh.
Charge cards: Atu ah cun credit card le debit card aa ser kho
lo mi ca ah charge card a um. Debit card bantuk in hman a si. A card
te cu $10 hrawng in cawk a si. Mah card chung ah cun tangka rawnter a
si (cash lawng an duh). Mah charge card cu internet i vanlawng ticket
cawknak le online i bill pek nak tehna ah hman khawh a si ve. Na
tangka rawn cia na hman dih cun card dang cawk hau ti lo in na card
cia ah cun tangka na va rawn
ṭhan khawh.
-----------
Top 10 new cars 2006 (most popular cars)
Honda Civic
Honda Accord
Toyota Camry
Chevrolet Tahoe
Toyota Prius
Ford Mustang
Toyota Corolla
Toyota Yaris
Honda Odyssey
Nissan Altima
(from autoweb.com)
----------
Puai
Tukum August 9-20 (siangin hon hlan deuh) ah khin Indiana State Fair
timi puai phunphun a um lai. Minung 820,000 hrawng an zoh lai. Zoh awk
a tor lai. Fale kalpi a duh mi nih atang i maivan hi zoh cia ding a si.
http://in.gov/statefair/fair/sponsors/opportunity.html
For Kids Summer Activities:
Go to:
http://www.bry-backmanor.org/activitypages.html
ICBC Website
Kan website ah atu cu hruaitu min cazin lawng si lo in hmanthlak zong
tampi a um cang i zoh awk a tam deuh cang. A sersiam tu Pu Ngun Cung
Lian cung ah kan ilawm. A URL kha http://icbcweb.org a si kha, zoh pah
lengmang u.
Leen lai ah: Na leen ding mi kha an imanh le manh lo hal hmasa hna.
Asilo ah, khi ni khi caan ah in leng ning law caan na ngei hnga maw
tiah hal hmasa hna. Cu lo cun…
Thawng
#North America i inn sangbik Chicago i Sear's Tower le Miami FBI zung
bom khuai ding in a tim tiah an ruahmi minung pa 7 naite ah FBI nih an
tlaih hna. Minak lawng te an si i atam deuh cu Americanmi an si.
Pakhat tu cu Haiti lei in a ra mi a si. Miami khua warehuose pakhat ah
an um i athli in raldoh le velh te pawl an cawng lengmang an ti.
#North Korea nih miakpi nganpi (missile) a kah hnek i a tu hi
vawleicung ram tampi an lau ngaingai. U.S. ramchung i a rak kah sual
ah tiah, cu kuanpi cu van ah kah khawh ding in U.S. kan cozah nih
biatak in aa tim ve.
#Dr. Salai Tun Than, cu Kawlram thlennak ruang ah pumpek in June 19 ah
khan Rangoon airport ah au aa tim nain, Kawlram cozah nih a passport
an thahpiak i Bangkok airport ah vanlawng an kaiter duh ti lo.
An Ti
#Thla khat chung i ca tlang khat hmanh a rel lo mi ngaknu le zarh khat
chung i e-mail voi khat hmanh a chek lo mi tlangval ICBC ah an um rih
rua an ti.
#Kan church chairman hi mino nih
ṭhutdan ser rian an khinh cang ko rua,
mino fund in maw hlawh an phalh hnga, an ti.
#Civui zawh aa tim mi ICBC ngaknu pohpoh thaizing thok in zil
lawngte’n an hmai iphiah cang hna seh, rawl ah thingthei lawngte ei
cang hna seh. Hmaiphiah setsai lo i an kal citcet, Ceu Thawng kut an
celh lai lo an ti khah.
Capo
• July 4 a phanh lai ah ngakchia tete an sazamah ngaknu nih bia a
chimh hna. “A good thin about America is that, in America, everybody
is free” a ti. A chim dih in ngakchiate a ra teumau i a kut aa sih i,
“Ma’m, I’m not free. I’m four” a ra ti.
• Nu pawl i Khaini Nini tiah an auh ah cun pa pawl nih whisky hi Kiki
tiah kan auh ve lai an ti. |
