Ngakchia   |    Mino   |    Nubu   |    Nunphung & Zatlang   |    Ramthar   |    Pasatorte
 
 
 
 
 
 
 
 
 
 
 
 
 

Chungtel Rian

 

Kan zulh mi Bawipa hrimhrim nih, 'Ka sin i a ra mi aho hmanh ka dawn bal hna lo" a ti i, ICBC zong kan sin i a ra mi poh cohlan le donson dih an si ko. ICBC chungtel sinak ah tlinh le tlinh lo, tlaak le tlaak lo a um lo. Bu bu khatkhat i chungtel si tik belte ah kan rianvo um ve phung a si i, ICBC chungtel zong atanglei ning hin bia nan ikam ti tluk in kan ruah.

ICBC chungtel ka si cang bang in:

  • Biakin ah si seh, hmun dang ah si seh, bu min i Pathian biak le cawnpiaknak aa tuah nak poh ah felte le hmaante in kaa tel lai.

  • Bu chung mi midang he itheihhngalh kaa zuam lai. Dawt le komh thanuam in ka um lai i keimah zong nih ka bu-hawi dawt le komh kaa zuam lai.

  • Aho poh mahle ruahning le hmuhning chimrel nak nawl an ngeih cio hi ka upat lai. Caan tampi ah ruahnak idan le duhning idan um ko hmanh seh, mibu ruahning le cawlcangh upat in Kri i pakhat kan si nak le chungkhar khat kan si nak hi ka ruah lengmang lai.

  • Pathian i ICBC lawmhnak a kan pek mi hi hawi hrawm ve kaa zuam lai. ICBC an kan tlawn an kan leen duh tik zong ah ka donson hna lai i an siaremnak ka tuah lai.

  • ICBC bu chung i um cang hnu ah, mibu hme deuh ser i thilti si seh, awkkem chuan le mei dang khut si seh, ka hmang lai lo. A hmang mi sin zong ah kaa tel lai lo.

  • Pathian i a ka pek mi hrang le thluachuah aphunphun hawi cheuhbauh kaa zuam lai.

  • Ka thlawh ka ṭuan mi le ka hlawh mi chung in zeimawzat hi kan krifabu rianṭuan nak ca ah Pathian thluachuah rel bu in ka bur lengmang lai.

  • Bu chung i duh lo awk thil a um sual tik ah si seh, a luh hnek tik ah si seh, zohsawh lo in doh le caak le remh kaa zuam lai.

  • Kan bu chung ngakchia le mino si hna seh, upa lungno si hna seh, zumhnak ah a chuan rih mi si hna seh, Bawipa lam ah hruai le cawnpiak ka hrial lai lo.

  • Lai miphun hi Pathian nih sining le nunphung dangte a kan pek i, cu kan sining te cun Pathian nih a kan cohlan ti hngal in, Lai nunphung ziaza dawh in Pathian biak le cawlcangh kaa zuam lai.

  • Keimah ca ah si seh, midang ca ah si seh, krifabu ca ah si seh ngol lo in thla ka cam lengmang lai.